• June 2nd, 2020
Login / Register

Uuministeli wiipindi wa gandja iiyata kaahondji


Uuministeli wiipindi niikwafambilika wa gandja omagano giiyata yokuhondja kahondji yiikutu moshitopolwa shaShana, opo ya vule okuhondja uulapi wokomayulu nokokana, okukwathela okukeelela omukithi gwoCovid-19.

Omupehapevi omukuluntu monooli muminisiteli wiikwafambilika Shikongeni Ntinda okwa ti, iiyata mbyoka kwali ya gandwja omagano, ota yi kalongithwa okuhondja ulapi wokomayulu nokokana okukeelela omukithi gwoCovid-19.
“Otwa li twayambidhidha niiyata opo aahondji moshitopolwa shaShana ya hondje uulapi wuli 12 000 mboka taye kewu landitha kombiliha opo aakwashigwana yam one ompito yo kwiigamena komukithi ngoka guna okukeelelwa ethimbo kehe,” Ntinda ta ti ngaaka.
Agwedhapo ta ti oya li ya gandja omagano ngoka sho ya li ya mono kutya oshigwana oshili mompumbwe onene ngele tashiya kikeelelitho yina okulongithwa okukeelela omukithi gwoCovid-19.

Oshipangelo shopawumwene Medipark shoka shili uukumwe nOshana task force nasho oshali sha kwathele  nomashina gwomipepo geli gaali, gwongushu N$ 350 00 oshowo ikeelelitho yilwe nayi kumwe oyina ongushu N$ 800 000.
Omukuluntu gwoshipangelo shopawumwene Ogwediva Medipark Tsahli Iithite okwa ti, okwa li amono  kutya oshilongo oshili mompumbwe onene yomashina gwomipepo, ngoka natango ga pumbiwa miipangelo oyindji moshilongo unene pethimbo ndika oshilongo sha taalela omukithi gwo COVID-19.

“Ondahala oku yelitha kutya Medipark  keshi omuyambidhidhi sho ali agandja ikwathithi mbika, ihe okwa gandja onge kuume mwaa yihe  tayi holoka pethimbo ndika opo tu kondje pamwe noshigwana okulwitha omukithi gwoCovid-19,” Iithete a popi ngaaka.
Ngoloneya gwoshitopolwa shaShana elia Iimari, okwa li a popi ta ti, ota ithana oshitopolwa shaShaa onge oshinelago oshoka, aanangeshefa aashona naanene otaya gandja omayambidhidho gawo okulwitha oshowo okukeelela omukithi 
nguka.

Irimari ta ti, otapandula kehe ngoka a li agandja shoka enapo. Ihe natango okwatala kiipala yamboka tayeya monakuyiwa.
“Okukeelela okuvule okupanga. Aakalimo yomoshitopolwa shaShana inamushuna monima nando, oshoka tamulongo oshiwanawa noshili mondjila,”Irimari akumagidha.

Okwa li natango apandula ehangano lyo Otsenane foundation trust, sho ya li ya yambidhidha noN$ 5 000 natango okukwathela okulwitha omukithi gwoCovid-19.


Victoria Kaapanda
2020-04-30 10:01:20 1 months ago

Be the first to post a comment...