Orutu rondjeverero yourunga wovinamuinyo rwa Pukiro na Eiseba Ocomuunity Stock Theft Organisation, ousupi Ocaso, notjiwaṋa tjovaṱuta atjihe ve nongendo nepango pokati koporise novahakerwa mourunga.

Ve nongendo onene kokutja ovinamuinyo mbya vazewa novahakerwa mourunga navi kamburwa nu nai mbi ṱizirwa i youhonapare ovyo nai ombya rira vyokutunduuza ourunga mena romaunguriro wakumwe wovahakerwa mourunga nouṋepo tjiva woporise. Tjinga ape hi nongahukiro kutja harukuru ovinamuinyo imbi koruseinina okuviri vi yaruka koveni vyayo. 

Kapo imba porwe nungwari wina Ocasu novaṱuta ve nouzeu nokutja oviposa vi kambura orure ngandu tja rira ongeyakero onene tjinene kokutja nandarire kokutja otjo tjiri hapo harukuru ovinamuinyo mbi okuviri nai vi rira ouhatoi moviposa poo oviposa vi repara tjapo avi he ya motjombanguriro kaparukaze tjapo nandarire harukuru imbi ovinamuinyo mbi avi ha kakara nehuno. 

Pendje nokutja otja kOcasu novaṱuta mena rokatama neyo koporise novahakerwa tjiva, ovinamuinyo mbi vya rira ovyo pokati kovahakerwa nouṋepo tjiva woporise nu vya rira ombu yomeva omatarazu yovahakerwa mba novazapamwe vawo mondjito ndji. 

Ongendo yOcasu notjiwaṋa tjovaṱuta indji kakutja kai notjizo tjinga otjotjiri tjiva vovahakerwa mourunga ama ku zu ondja ri ongaro yayo youina kutja oviposa vi repare tjapo nandarire ovimauinyo imbi avi ha kakara nehuno nu munao tjapo vi yaruke mozoina. 

Katjisupi mongendo ndji Sandie Tjaronda vari norukosi rokuteza ovinamuinyo mbi okutjiwa kutja tjii hapo ovyo vi nondambo momake woporise mu vya sokukara pOkanaindo pu vya sere okutja opu vi tjevererwa notjo tjiri okuviri vi tjeverwa nu vi nehuno poo indee. 

Tjinga aatja nandarire pe kara ape munika ouzeu owo otjOcaso poo ovaṱuta oveni vovinamuinyo mbi okukara nongahukiro okuza koporise kutja otjo tjiri okuviri vi nehuno. 

Nuu tjii hapo ovyo tji vi ri nai kavi kwata nu tji vya kwata vi rira ovya uṋe? 

Omapuriro ayehe nga okuza motjiwaṋa nga ingana nu nge hi ya muna omaziriro okuza kouhonapare. Ngunda ape ri nao imbo ourunga u honapara. 

Otja koporise okuza komautiro wombura indji ovatuta mOmaheke kutja omoresevate poo omomahi wa peke va vvakisa ozongombe ndu ma ze vaza esere.