Kae Maṱunḓu-Tjiparuro 

Katjisupi ozombuze pekepeke mehi omuhuka omunene za tjirirwe nomatjangwa yemwe. Kotjikando otjitenga ozongoramambo ape azehe mehi zari aze ripetere pombuze imwe otjombuze ohongora yazo.

Ombuze ndji yari ohunga nondjara, tjinene mOrukondwa rwa Maheke. Otjongooneya ya Maheke, Pijoo Nganate, pombongarero ohunga nongoporo yourana morukondwa, wa umbire ewe motjihwa naṋi ma mu purukuta otjiṋa ohunga

nondjara mOmaheke. 

Katjikando otjitenga orukondwa rwa Maheke okukorwa mondjara. Mape munika ayo nambano ondjara ya rire ongendo morukondwa ndwi oro ohapo ndaaru ha tjiukirwa kozongaro ozombi tjimuna zehupo evi poo ovanatje vomorupanda mu ve tjinga ovikurya, nambano ondjiri ongaro.

“Ondjara ya kambura Omaheke”, otji tjari otjiuru tjombuze ohunga nondjara mongoramambo ndji Onew Era ya Ritjavari omayuva tji ya ri 18 ku Ngarano. Ombuze ndji amai tamuna ovikaṋena o 300 vyomariro omavi mu mu nozonḓiro o 26 zondjara. Ngunda ongoramambo ndji Othe

Namibiana eyuva tjingero mombuze yayo ohunga notjiṋa tjingetjo otjiuru tjayo aatji tja: “263 ve ri monamiti mena rondjara mOmaheke.” 

Nai tjanga kutja ohoromende mai kumininwa mokuhina okuyeneneka Ovanamibia nohoromende amai tja ehi ri nozomburo nḓa yenena okupenga ozonḓiro. Nu wina apa tambuka otuuro twokutja ovikurya vyourumbu kavi tanaurirwe mouvapira wourumbu.

“Ovanatje o 26 va Maheke va ṱokuhinokurya nawa momieze hamboumwe,” otjiuru tjombuze onene yongoramambo ndji Onamibian Sun eyuva tjingero tja tja nao. 

Ombuze tjingeyo amai tja wina mOmaheke ovanatje o-45 va ṱu mena rokuhina okurya nawa oruveze tjingero ombura ndja zuko.

Ozombuze nḓa za yandjere ongendo kovengi, mu mu nOrata yOkarukondwa kOmatoororero ka Tjinene, Erwin Katjizeu. Ngu ma tja ondjara ndji wina motjihuro tja Tjinene omu iri owovawova/ovitovatova? mozonganda pekepeke.

Eye na varwe ovengi mbe ri korukuiko mu Keetute omayuva tji ya ri 21 ku Ngarano, mbaave tja ondjara ndji nozonḓiro zayo nambano nandarire nḓa vaza otjiwaṋa tjOvahungire veraka rOtjiherero otjo tjaatji rihupisa otjini nokuhina tjari nonganda poo eṱunḓu ndaari korwa mondjara, omena rozongaro zanambano. Mu mu nozonganda nḓa mana

ovanene novakuru vazo munao norusuvero ndwa manuka pu na wo. 

Nambano nandarire omundu auhe kowaihe poo ina ketji tjiko omundu auhe poye nomukazendu we novanatje ve. Nandarire ovasya pozonganda kave tjipo rukwa. 

Munao otjeri ohepero okuyaruka kerero.