• June 25th, 2019
Login / Register

Aus Tebza ta tidha ondjodhi ye yokwiimba kuye mwene



Konima sho a kala nokudhana oshiketala mombenda yomuhikingalo HHP uule woomvula 12 dha za ko nonkembadhala yokutameka okwiimba kuye mwene, Aus Tebza osho e shi pondola okulyata moshimpungu nshoongalo ye mwene note shi enditha nawa.. 
Mepipi lyoomvula 15, Aus Tebza , ngoka edhina lye lyoshili Tebogo Sedumendi okwa li ashike okukala omuwiliki gwombenda. 
Mepakumo ashike lyeho okwa iyadha ta dhana oshiketala mombenda yanakusa HHP ta dhana pamwe nayakwawo ngaashi Simphiwe Dana, Bucie, Wouter Kellerman, Proverb naLaurie Levington.
“Onda tamekele okudhana oshiketala moHHP mo2006. Inandi dhimbwa nando shoka nda kala nda hala, ashike onda dhimbululula kutya ethimbo lyandje mombenda itali ka manwa po nando. 
Konima yoomvula 12 onda dhimbulula kutya ondi ilonga mo sha muye oshindji itaandi vulu noku shi hokolola.
“Okulonga pamwe naHHP osha li eyambeko enene, kakele kokukala dhingi mokwiimba oongalo, okwa li wo omuntu gwomwenyo itogu pewa lwaali. 
Okwa fuula ndje. Kape na nando esiku limwe nda mona ti ihumbata onganayi oshoka omuntu a tseyika koyendji.”
Aus, ngoka a valelwa moKrugersdorp omwiimbi omwaanawa. Nonando oyendji taye mu dhimbulula onga omudhengi gwoshiketala nombenda yaHHP, Tebza okwa lombwela oSowetanLIVE kutya okwiimba oko oshinima e hole unene. Ta fatulula kutya nonando a kala ethimbo nuule a hala oku ka hika oongalo dhe oye awike, ota ti okwa pandula kethimbo alihe ndyoka I ilonga mo mombenda ndjika.
 “Sho u li oshitopolwa shombenda, ombenda ombwanawa, nena oto ilongo mo oshindji shoka tashi ke ku kwatha konakuyiwa. 
Ngele ou na elega lyokukala mombenda ngaashi yetu, moka aantu tu holathane nohatu pukululathana onga aantu naahikingalo, nena ou na ndyoka enene.”
Okudhana oshiketala osha li oshilongwa kushoshene kuTebza, nokwa li e shi tula metumbulo limwe ta ti: “Oto vulu okukala ho dhenge nawa kungoye mwene, ashike okulongela kumwe nayakweni osho oshinima oshiwanawa.”
Omasiku ngaka okwa pititha okangalo kedhina Ngeke Ngiphinde noka taambwa ko nawa koshigwana. Ta ti uuwanawa natango ou li komeho.


Staff Reporter
2019-05-31 12:10:44 25 days ago

Be the first to post a comment...

You might also like...