• October 29th, 2020
Login / Register

Diergaardt fiyo onena ke na omukalelipo wopaveta 


Omukalimo womoWindhoek oo a pewa ehandu lodolongo yomido 30 molwaashi a twa neembele nokudipaa kaume kaye komoihole muMaalitsa fiyo onena ke na omukalelipo wopaveta opo e mu popile a hala omhangu italulule ehandukilo laye.
MuAguste 2019, Johnny Ryno Diergaardt, 36, okwa li a monika ondjo yedhipao, momafiku 05 Novemba, omupanguli Nate Ndauendapo okwe mu pa ehandu lomido 30, a tala unene komukalo oo omukainhu womido 22 Triffany Tanita a kanifile omwenyo waye muMarch 2014. 

MOmaandaxa okwa ya vali komesho womupanguli oye tuu oo nokulombwela omhangu kutya nonande okwa hala a kondjife ehandu olo a pewa, ita dulu okuya komesho shaashi oshikondo shepangelo hashi futile ovanhu eehahende shedina Legal Aid inashi mu kongela natango omushiviveta oo te ke mu popila ko. Diergaardt okwa yandja eindilo laye koLegal Aid mu Aguste ashike fiyo onena oshikondo osho inashi mupa enyamukulo. Omhangu oya undulila eemhangu odo komafiku 09 Novemba opo ku yandjwe efimbo lawana koLegal Aid oku konga omukaleli po wopaveta.  Omweeti woihokolola wepangelo Seredine Jacobs oye ali a kalela po epangelo omanga Diergaardt a li eli kalela po mwene. Pefimbo ehandu olo la yandjwa muNovemba 2019, okwa li a pewa a kale ngeno modolongo oule womido 35 molwaashi a tula moilonga ehalo nelalakano laye loku dipaa Lewin, eshi e mutwa oikando 27 neembele domokombifa. Omido nhano oda kufwa ko kehandu laye, nokwa lombwelwa kutya ina udikila sha eli a monike etimba molwa oshikoya shelifa naasho a ninga moule womido nhano hano shomahepeko oukashike koo okanhu. Onghene okwa pewa opo a kale konima yekumba oule womido 30 meyukililo.

Oshiningwanima osho sha etifa opo Lewin a kanife omwenyo waye oipundjamenye, osha li sha ningilwa mokaflata kaDiergaardt oko a li ha rentinga mepandaanda ledina Garnet Street moKhomasdal.  Diergaardt okwa oangulwa koshi yokatendo komo2003 oko ke li omhinge nomahepekafano oukashike noka yandja eenghono komhangu opo i yandje ehandu la kwata moiti kovakayulinyanga ovo tava monika ondjo moiningwanima yoludi olo. 

“Nakufywa okwa mbofaulwa neembele nokwa dipawa momukalu itau dulu okudilaadilwa notau difa omaxwilili. Ndee naashi a fya owa twikila noku mu twa –to tu omunhu wafa to dipaa oshinamwenyo. Onghene ondjudo yehandu eli oi na oku kala efike pamwe noshimbuluma osho sha longwa,” osho omupanguli Ndauendapo a popwa pefimbo a li ta yandje ehandu olo la tokolwa koveta.  Imwe yomeembele odo Diergaadt a longifa okudipaa Lewin oya hangwa ya anyena mo mutwe waye. Omweeti woihokolola yepangelo Advocates Jacobs okwa lombwela omhangu, shelikolelela koumbangi oo wa yandjwa kutya okwali sha yela kutya Diergaardt kali nande e na ounghundi wopamadiladilo pefimbo loshinigwanima ngaashi a hala omhangu i itavele.  Jacobs edi okwe  di popya shelikolelela kepopilo olo kwali Diergaadt ta longifa okupitila komukalelipo waye wopaveta woLegal Aid, Boris Isaacks, oo a ti omadilaadilo aye kaali ponhele pefimbo a ninga oshinima osho, ta ti oshe mweetela opo a longe oshinima shiheli pahalo laye. 

Diergaardt okwa dipaa Lewin moipafi yokamonamati kavo komido nhee, noumbangi oo wa ulikwa mohofa owa ulika kutya okaana oka twa Diergaardt metundji keshi ninga onga onghendabala yoku mu keelela opo a ha twe vali ina. 
Diergaardt ota longele odolongo mendiki loWindhoek Central Correctional Facility. –Nampa 


Staff Reporter
2020-10-13 09:20:52 16 days ago

Be the first to post a comment...

You might also like...