• November 30th, 2020
Login / Register

Okanona komimvo 14 ka pewa epunda komukwanezimo gwako


Opolisi moshitopolwa shaMusati otayi konaakona oshiningwanima moka okanona komimvo 14 anuwa ka pewa epunda komukwanezimo lyako.
Omukuluntu gwopolisi mOmusati Commissioner Titus Shikongo okwa ti, okwa yelithilwa kutya oshiningwanima shoka osha hulu okuningwa muAuguste nuumvo, sho okanona hoka ka ningi etegelelelo. “Okanona hoka okanasikola anuwa oka kala haka kwatwa koonkondo komukwanezimo ngoka inaa fatululwa nawa kutya oya pambathana ngiini iikando oyindji. Shika oshe ke ya puuyelele, sho okanona hoka ka ningi etegelelo,” Shikongo ta ti ngaaka. Ayehe oya yambukile momukunda iikokola, moshitopolwoa shaMusati. Shikongo ta ti opolisi oyi li metifa tayi konakona oshipotha shoka, yi mone omayamukulo gaashoka shina okuningila omufekelwa ngoka.

Moshiningwanima inaashi faathana  okanona komimvo 12 oka kwatwa koonkondo komulumentu gwomimvo 29 momukunda Ongulumbashe moshitopolwa shaMusati. “Otaku hokololwa kutya omulumentu ngoka anuwa okwa li  a iyakele mondunda yokanona hoka, eteka ka kwata koonkondo,” Shikongo a popi ngaaka.

Ta ti, anuwa oshiningwanima shoka osha holoka potundi 18h00 yokomatango momudhingoloko gwaTsandi. 
Naku fekelwa moshiningwanima shika okwamangwapo kopolisi, nomakonakono gwopolisi oge li metifa. Omukuluntu gwopolisi moshitopolwa moka, okwakumagidha aakuluntu ya kale taya siloshimpwiyu nokutonatela  aanona ye li kohi yomimvo, oshoka iiningwanima yatya ngaaka otayi ende ya uka pombanda.

Ndinelago Amagola omunasikola koshiputudhilo sho pombanda UNAM, ngoka ta ilongele eshungomwenyo, moonkundathana naKundana okwa ti, aalumentu naya simaneke aakiintu.
“Aalumentu naya simaneke aakiintu. Ekwato koonkondo oshinima oshiwinayi no hashi hundula onkalanmwenyo ya nakushiningilwa, nonande inashi za kehalo  lye,” Amagola ta ti ngaaka.
Ta ti ohashi mu uvitha nayi ngele talesha miifokundaneki, uunona womimvo dhili kohi, wa kwatwa koonkondo.
Amagola ta pula ta ti, oshike wuna okuthiminika omuntu oshinima ineeshi hala, sho itashi zi kehalo lye, oshashi kena oonkondo dho kwiigamena?

“Otwa pumbwa omatokolo gamwe, okugamena omeme miiningwanima yatya ngiika. Omeme otwa taalela omashongo ogendji omawinayi, ihe inatu manguluka we,” Amagola ta popi ye ta igidha.
A gwedhapo ta ti, aanona inaya manguluka we okuya mpeyaka naampeya ka, oshoka  oye na uumbanda. Kaye shi wo kutya olye e ya landula monima ya longelwe uuwinayi.
Natango okwa kumagidha aalumentu, ya simaneke ongushu yawo yoyene, ya hulithe po okuthiminika ehalo lyomuntu, oshowo  ya hulithe po omadhipagathano.   


Victoria Kaapanda
2020-10-21 08:50:03 1 months ago

Be the first to post a comment...

You might also like...