• November 19th, 2019
Login / Register

Okanona koomvula 13 ka kana mOshakati



Victoria Kaapanda

ONGWEDIVA-Opolisi moshitopolwa shaShana otayi indile oshigwana shi longele kumwe nayo opo ya konge okanona koomvula 14 hoka ka kana Omaandaha goshiwike shika.

Omugandjimulombo nomugandji gomawuyelele gwopolisi moshitopolwa shaShana Thomas Aiyambo okwa ti aniwa okanona hoka okaAngola oka li ashike ke ya okutalela po aakuluntu yako moNamibia, noka li ka thigwa megumbo omanga aakuluntu ya ya kiilonga.

“Aakuluntu sho ya li ya zimbuka, konima yoowili 18, oya li ya adha egumbo lya eguluka ihe okanona kake mo megumbo. Oku za Omandaha sigo onena,” Aiyambo ta ti ngaaka.

Edhina lyokanona hoka olyo Uupula Benedicta Tunelago, a yambukile moAngola nethimbo ndyoka a li a kana okwa zile megumbo lyaakuluntu ye molukanda Oshikango mondoolopa yaShakati.
Opolisi otayi indile moshigwana ngoka e na uuyelele mpoka pe na okanona hoka a lopotele opolisi yi li popepi naye.

Moshiningwanima sha faathana opolisi yaNamibia oyi li molukongo lwa Clementine Ananas Uiras 13, ngoka a li a zi megumbo Omaandaha  goshiwike shika okuya kosikola ihe inagaluka sigo onena.
Otaku hokololwa kutya  Uiras okwa li a monika lwahugunina nomusita gongeleka Holly Ghost Fire, Marvin Ellis Damaseb,39, mEtiyali pehala tali ithanwa Shalom Center mOvenduka.
Uiras esiku ndyoka okwa zile megumbo lyaandjawo mOmbaye.

Opolisi otayi indile moshigwana ngoka ta ka mona okanona hoka a lopote kopolisi yopopepi naye nenge a dhenge koonomola dhaapolisi, Inspekta  Shangula 0812479471 nenge Shisande Kutondokwa 0813040238.


Staff Reporter
2019-11-08 10:22:39 11 days ago

Be the first to post a comment...

You might also like...