• December 5th, 2020
Login / Register

Oopela dhuunkundi wopamadhiladhila dha pwa mo mOShakati


Aapangi moshipangelo oshinene shaShakati otaya nyenyeta kutya oye li muupyakadhi wokuponekelwa kaanuvu ye na uunkundi wopamadhiladhilo omolwa oopela dha pwa mo. Oopela ndhoka ohadhi kwathele okungungumaneka omadhilaadhilo gomuntu e na uunkundi wopamadhiladhilo, ndhoka hadhi longithwa kosaala 16.

“Kehe siku  ohatu kala muupyakadhi, tatu ponekelwa kaanumvu, ihe epangelo itali gandja omayakulo gomehendelelo, li gandje omiti dhoka. Out na omupangi gumwe a ponokelwa e ta monithwa oshiponga komunuumvu, ngashiingeyi ke mo miilonga manga,” Aapangi taya nyenyeta.
Omupangi ngoka edhina lye lyi shiwike kuKundana okwa ti, oomwenyo dhawo odha tulwa  moshiponga, otaya vulu okudhipagwa kaanuumvu mboka ye na omadhilaadhilo gawo ga zi pomahala.

Ta ti uupyakadhi mbuka owaninga oomwedhi mbali paife, ihe ka pena nando oshoka shaningwa po sigo onena. “Osaala ndjika oya kala ethimbo itaayi tambula omiti dha pumbiwa. Otwa nyola omushangwa gomanyenyeto getu, ihe otwa tega ga yamukulwe mbala, oshoka okwali twa gandja ashike sigo omo27 yakOtomba nuumvo,” Omupangi a popi ngaaka. Omukuluntu gwoshikondo shuundjolowele moshitopolwa shaShana Johanna Haimene okwa ti, oshipangelo oshina omiti dha gwana lela, iilongitho oshowo iikwamiti ayihe moshipangelo omo yi li.
“Petameko lyomvula ndjika okwa li lela tuna uupakadhi nomiti, ihe ngaashi ngeyi oopelenta 90 dhomiti moshipangelo shaShakati omo dhili. Oshiponga shoka sha holoka pokati komupangi nomunuuvu kashinsha nomiti,” Haimene ta ti ngaaka.

Ta ti, omunuvu pethimbo ndyoka aponokiele omupangi okwa li eli nawa, ina ponokelwa  sho inaanwa omiti. “Omupangi gumwe natango mosaala moka okwa ti, inaya mangulka we miilonga. Ta ti, aanumvu yena uunkundi womadhiladhilo oya pumbwa okusilwa oshimpwiyu kehe ethimbo, ihe ngele ka pena omiti dho kuya ngungumaneka, otaya monittha iiponga. “Otwa loloka, inatu manguluka we, aakuluntu yetu mba ya tulwa komeho getu, ka yenakonasha oshoka hayo yeli muupyakadhi, sho osho itaya popi oshili, taya kalekepo oshimaliwa shawo shokomwedhi noompito dhawo dhiilonga

Shikongo Martin  ayambukile molukanda Oneshila okwa ti, okwatameka okunwa omiti dhuunkundi wopamadhiladhilo  mo2017. 
Ta ti omwedhi gwa zi ko okwa li ashunithwako  sho kwa li akatala omiti dhe, anuwa okwa adha dhapwa mo moshipangelo.
“Shoka okwa li shathiminikendje ndikalande omiti koo apiteka  dhopawumwene nonande oshimaliwa handi mono komwedhi itashi shi pitike, omolwa oompumbwe dhimwe,” Martin a popi ngaaka.
New Era Natango okwa li a lombwelwa iiningwanima yimwe tayi ningwa moshipangelo moka, aanumvu taya lombwelwa ya ka lande omiti, oowenda koo aputeka dhopawumwene, oshoka anuwa gwoshipangelo ke dhi na.  


Victoria Kaapanda
2020-10-28 07:57:46 1 months ago

Be the first to post a comment...