• May 24th, 2019
Login / Register

Spiderman a findana ombadi yotete yaNamibia kefiyafano loSASAPD



STELLENBOSCH– Omulumenhu e na oulema Omunamibia omuyowi wedina Matheus Angula okwa ninga ondjokonona eshi a ninga omudani wotete ta findanene oTeam Namibia ombadi koudano wo2019 South African Toyota National Championships wovanhu ve na oulema oo wa li moStellenbosch, South Africa.
Omaudano ehangano loSouth African Sports Association for the Physically Disabled (SASAPD) ovanhu ve na oulema kolutu naavo ve na oulema womesho okwa tamekele mOmaandaxa oshivike eshi nokwa xula onghela kokapale komaudano koCoetzenburg Athletics Stadium.
Angula, oo a shivika nawa kovadani vakwao onga ‘Spiderman’, okwa findanena Namibia ombadi yoshingoli moshinano sheemeta 100, okwa yowa shakashushu nokufindana meni lominute 2:12:48 nomoshinano shikwao sheemeta 100 mefimbo lifike po 1:59.56.
Eshi a popya noshikundaneki shoNampa konima youdano womOmaandaxa, Michael Hamukwaya, hamushanga wokakomitee koNamibia Paralympic, okwa ti okwa hafa neenghono kefimbo olo la longifwa kuAngula opo a findane.
Eedula nhatu da ya, Angula ka li e shii sha kombinga yokuyowa, ashike omudeuli waye Sonia Lindemeier okwa longa oshilonga sha fimana. Angula paife ota fiyafanapo noonakuyowa vakwao, ovo nokuli va kala ve shii okuyowa efimbo lile ve mu dule. Hamukwaya ta ti ondjodi yaye oyokumona Angula ta kulu meifano laye lokuyowa ye a ka kalele po Namibia kefiyafano lomaudano oParalympic Games.
Team Namibia oya li i na ovanhu 21 va kufa ombinga omaudono a yooloka.
(NAMPA)HK/HP/EK (NAMPA)


Staff Reporter
2019-03-22 11:23:44 2 months ago

Be the first to post a comment...