• December 8th, 2019
Login / Register

Ya mangwa po sho ya adhika niipeleki ya yakwa


Victoria Kaapanda

ONGWEDIVA-Opolisi moshitopolwa shaShana oya manga po aalumentu yaa li yomimvo dhopokati, mboka ya adhika niipeleki 40 noshikulo shimwe shomweelo ya yakwa, mbika oyi na ongushu N$8 106 noya adhika molukanda Oshoopala mOshakati.

Omupopiliko gwopolisi moshiitopolwa shaShana Inspekta Thomas Aiyambo okwa ti iipeleki mbyoka oya li ya yakwa momasiku 25 Sepetemba nuumvo. Aalumentu mboka oya li ya mangwa po ongulohi yEtitatu, sho ya li ya lopotwa kaakwashigwana.

Aafekelwa mboka oya tegelelwa ya ka holoke mompangu yaMangestrata mOshakati nena.
Ngoka a kanitha iipeliki iisiliveli yi thike mpoka na thike popolisi yaNgwediva, ye na falele oombapila adhihe tadhi kwalishipaleke kutya iinima mboka yi li meke lyopolisi paife oye shili. 

Opolisi moshitopolwa shaShana natango otayi kongo iipeleki yi li 60 ya fa ehuli, oshowo okatenga komeya okazizi mbyoka ya yakwa momukunda Onanime moshitopolwa shaShana oshiwike sha zi ko.
Ayimbo okwa indile moshigwana ta ti kehe ngoka wa mona mpoka tapu landithwa iinima ya zi no ku tumbulwa, nakwatathane nopolisi yopopepi naye.

Ta gwedha po ta ti okwa pandula aakalimo yomoshitopolwa sha Shana sho taya longele kumwe nopolisi mokulwitha iimbuluma, ta indile ya tsikile natango.
Caption : Iipeleki ya monika yi li 40 noshikulo shimwe oya adhika molukanda Oshoopala mOshakati. 


Staff Reporter
2019-10-04 09:04:03 2 months ago

Be the first to post a comment...