• October 27th, 2020
Login / Register

Ya tokola okusanitasa aahingi


Oproyeka tayi ithanwa Otundi Cleaning Services oya hala aayiyambi ya thika po100 mboka taya ka longa okuopaleka oonyala dhayendanandjila,  pooboloka adhihe dhopolisi oshilongo ashihe.

Enenedhiladhilo ndyoka olya etwa po kuSimon Mandume ngoka ta longelekumwe naakwatelikomeho yoproyeka ndjoka, Joseph Shama oshowo Joseph Paulus. “Edhiladhilo ndika onde ya po nalyo okulwiitha omukithi gwoCovid-19 ngoka guli mokati ketu, opo tukwashilipaleke kutya kehe ngoka taka pita oshitopolwa kehe okwa opalekwa koonyala,” Mandume ta ti ngaaka. Aantu mboka tayaka iyamba itaya pulwa oombapila dheyilongo, ihe okukehe ngoka a hala ye ta vulu okugwanitha po iilonga mbyoka. Mandume okwa ti, mboka taya ka kutwa otaya ka longa sigo omukithi nguka tagu hulu, notaya ka pewa okashona hoka keli po omwedhi kehe, opo ya vule okwiyambidhidha. “Oproyeka ndjika oya tameke oomwedhi mbali dha pita miitopolwa yimwe. Otwa kutu aantu yapita 50. Oproyeka yetu kayi na mpoka hayi kutha oshimaliwa, ihe shoka taya longitha otashi zi ohashi  moshiketha sho proyeka,” Mandume  a popi ngaaka.
Ta indile moshigwana oshowo aanangeshefa mboka taya vulu okuyambidhidha ya kwatathane nakwatelikomeho yoproyeka koonomola 081 216 3366 nenge 085 589 0265. 

Oomwedhi mbali dhoka dha piti , oya longo  miitopolwa Oshana, Karas, Kunene, Keetmashoop oshowo Hardap, ashike elalakano okushininga miitopolwa ayihe yoshilongo. Mandume okwa lombwele Kundana ta ti, shika otashi ka tameka methimbo efupi ngele omayamukulo gawo ga galuka oku za kombelewa yaPresidente gwoshilongo oshowo kooKomanda yiitopolwa, ye ya lombwela nkene yena okushitula miilonga.
“Otwa thaneke iilonga mbika yi kale hayi longwa oowili adhihe 24, yo aanilonga taya paathana ompito dhokulonga sigo omukithi ngoka gwoCovid-19 gwahulu po,” Mandume a popi ngaaka. Okwa popi ta ti, okuna omukumo kutya shika otashi kakwathelwa ngaa kashona, shi vulithe owala oshoka kehe omuntu eli mohauto tayi ka pita poboloka kehe oshilongo ashihe, okuna okutsininwa. 


Victoria Kaapanda
2020-09-24 10:10:46 1 months ago

Be the first to post a comment...

You might also like...