Okaana kokakadona ke na eemwedi hetatu oke li tuwa ka e kelwashi moixwa i li popepi nomaendo moshitukulwa shaShana.
Omupopiliko wopolifi moshitukulwa Chief Inspector Thomas Aiyambo okwa hokolola ta ti okaana oke li tuwa komulumenhu oo kwa li ta ende pomaendo efimbo loufiku.
Okaana oke li tuwa Etitatu momukunda Onelago moshitukulwa shaShana lwopotundi 23h00.
Aiyambo okwa ti okaana ako oka hangwa ka nangala mokakumbafa ta kwena.
Ovakwashiwan aova ifana opolifi nokaana oka twalwa koshipangelo shaShakati ke li momake ovapangi, notaku hokololwa kutya oke li monghalo iwa. Opolifi otai indile moshiwana kwau e na ouyelele kombinga yomukainhu kwa li e na okaana ndele ke kana vali opo a lopotele opolifi.
“Oshiwana nashi lopotele opolifi keshe i li popepi kombinga yomunhu ou a ku pula shi okaana,” Aiyambo ta ti. Okwa ti omunhu keshe ta ka yandja ouyelele kopolifi ita ka popiwa kedina, onghee oshiwana nashi manguluke okulopotela opolifi.
“Oimbuluma otai lwifa noupu ngeenge oshiwana tashi longele kumwe nopolifi. Osha fimana ngeenge opolifi tai pewa ouyelele opo i ninge omakonakono noupu,” ta ti.
Okwa ti polifi oya didilika ounona va ninga oihakanwa yokukupulwashi noshoyo okudipawa.
Aiyambo okwa kukumaida ovakainhu opo va twale ounona koipangelo ngeenge ve li hanga tava hepekwa koupyakadi vopamadilaadilo.