Okamatyona keedula 15 oke li moshipangelo taka mono epango eshi vati ka kwatwa onghonga kovalumenhu vavali. Oshiningwanima osha ningwa Etivali mondjila yokuya kEenhana moshitukulwa shaHangwena efimbo longula. Otaku hokololwa kutya okamatyona aka oka kwatelwa onghonga motuwa oyo kwa li ka lefa.  

Omupopiliko wopolifi moshitukulwa shaHangwena Sergeant Simeon Haufiku okwa hokolola ta ti okamatyona oka lefa otuwa yoPolo ina ovalumenhu vatatu pOhakenge-Ondobe. 

Opolifi oya hokolola tai ti ovafekelwa ova pula okamatyona kutya ka ika peni nokudja opo ove ka londeka nokushinga va yuka kEenhana.

Vati manga ve li mondjila omufekelwa umwe okwa kufa mo ombele yokapi ndele ta ulike okamatyona monhulo.

Okudja opo ovafekelwa ova kufa kamatyona ongodi yaye oko kwa li ku na oshimaliwa sho-ewalleta shoN$500.

Opolifi ya ohokolola tai ti umwe womufekelwa okwa pula onakuninga oshihakanwa opo vaye naye moixulo nokonima okwe mu dula oikutu ndele te mu kwatele onghonga motuwa pefimbo otuwa tai ende.

Konima eshi omufekelwa a mana okulongela okamatyoma omunyonena wopaixulo natango omumenhu umwe okwa twikila okukwata okamenhu onghonga. Opolifi oya hokolola tai ti okamatyona oka tulwa mEenhana ndele ovafekelwa tava faduka po.

Ovafekelwa ova yandja ongodi yakamatyona konima eshi va kufa mo etumwalaka loshimaliwa osho kwa li sha tuminwa kongodi.

Opolifi oya hokolola ti okamatyona oke li tuwa komukwashiwana kwa li ta ende pondjila opo ka tulwa. 

Okamatyoma vati okwali taka kwenauka nomadiladilo ako okwali taa ulike ehe li ponhele molwashi oka kumwifa koshiningwanima eshi.

Okwe ka yambidida noku ka twala koshipangelo. Mopaife oke li momake ovaxungimwenyo. 

Ovafekelwa va kwata okamatyona onghonga okwa li va djala oumaska no inaka dula ok uva tongolola. 

Opolifi oya ti fiyo opapa ka pena omufekelwa a kwatwa po nomakonakono opolifi otaa twikile. 

-fhamalwa@nepc.com.na