Oshikonga shepango lomesho osho alushe hashi kwatelwa komesho komundokotola womesho, Helena Ndume osha tameka noneudo.

Oshikonga eshi osha tameka noilonga yokutanda omesho koitukulwa ngaashi Kavango West noKavango East noshoyo Zambezi oshivike sha djako.

Ovanhu ve dulife 500 ova tandwa omesho, nova mona ouwa wokukala veweteko paife.

Ngaashi shito, ovakulupe ovo unene va holoka momwaalu muhapu okukonga ouhaku womesho.

Dr Ndume okwa ti noneudo oshikongo eshi otashi twikile koitukulwa ya yooloka moshilongo. Okwa ti elalakano loshikonga okukwashipaleka kutya ovanhu ova hakulwa omesho nokukala ve weteko nawa opo va dule okulonga oilonga yavo noupu.

“Ohandi udu nawa ngeenge omunhu e weteko unene tuu ovakulupe. Ihashi kala shiwa ngeenge omunhu e li mokati ka vakwao ndele ke wete ko,” Ndume ta ti. 

Ndume okwa ti nonande oku li moshipundi shopondjela okwa ota twikile nokuyambidida oshiwana noshoyo okutopolafana ounongo waye neendokotola dikwao

Ovakulupe va pangwa omesho ova hokolola tava ti ova pandula eshi a mona ouwa woku mona epango lomesho shaashi paife otava ka longo oilonga yavo noupu.

– fhamalwa@nepc.com.na